ماہ صیام کا آغاز، ملک بھر کی مساجد میں رونقین بڑھ گئی ہر طرف اللہ اللہ کی صدائیں

شیعہ نیوز (کراچی) ماہ صیام کے آغاز کے ساتھ ہی ملک بھر میں باجماعت نمازوں کے روح پرور اجتماعات ہوئے، جہاں سیکورٹی کے بھی بھرپور انتظامات کئے گئے تھے۔ نمازیوں نے امن اور خوشحالی کی دعائیں مانگیں۔ رمضان کا مبارک مہینہ شروع ہوا تو مساجد ایمان والوں سے بھر گئیں، کراچی کے خالق دینا ہال میں نماز جماعت کے دوران تاحد نگاہ لوگ ہی لوگ تھے۔ نمازیوں کا کہنا تھا خوش نصیبی ہے کہ رمضان میں عبادت کا موقع مل رہا ہے۔ اس دوران سیکیورٹی کے بھی بھرپور انتظامات تھے۔ لاہور کی جامع مسجد گلبرگ میں بھی کچھ ایسے ہی مناظر تھے، بڑی تعداد میں نمازیوں نے کلام پاک سننے کی سعادت حاصل کی۔کوئٹہ کی زہری مسجد میں بھی پہلی نماز پر روح پرور منظر تھا۔ بڑی تعداد میں لوگوں نے قرآن پاک سننے کا شرف حاصل کیا۔ سماء