پشاور میں دہشت گردوں کے خلاف سرچ آپریشن جاری، 41 مشتبہ افرادگرفتار

شیعہ نیوز (پشاور) پشاور کے علاقے گلبہار اور پھندو میں پولیس نے ملکی دہشت گردوں کے خلاف سرچ آپریشن کرتے ہوئے 41 مشتبہ افراد کو گرفتار کرلیا۔ پولیس کے مطابق سرچ آپریشن پشاور کے علاقے گلبہار اور پھندو میں کیا گیا، جس کے دوران 41 مشتبہ افراد کو گرفتار کیا گیا۔ سرچ آپریشن کے دوران 4 راہزن، 4 اغوا کار، اور 2 بھتہ خوروں کو بھی گرفتار کیا گیا، پولیس کے مطابق کارروائی کے دوران دہشت گردوں سے ایک موٹر کار، 25 موٹر سائیکلیں، 5 پستول، 75 گولیاں اور منشیات بھی قبضے میں لے لی گئیں۔