مرکزی امام بارگاہ جعفرطیار میں نئے تعمیر شدہ علم غاز ی عباس کی پرچم کشائی کی گئی

شیعہ نیوز (کراچی) ہمارے نمائندے کی رپورٹ کے مطابق کراچی کے علاقے جعفرطیار سوسائٹی میں مرکزی امام بارگا ہ میں علم غازی عباس کی پرچم کشائی کی تقریب اور جشن ولادت امام حسن علیہ سلام منعقد کیا گیا۔ تفصیلات کے مطابق مرکزی امام بارگاہ جعفرطیا ر زیر تعمیر ہے ، جبکہ علم غازی عباس کا احاطہ مکمل کرلیا گیا ہے، اس سلسلے میں علم کی پرچم کشائی کے سلسلے میں ایک محفل میلاد بمناسب ولادت امام حسن علیہ سلام منعقد کی گئی ۔ اس محفل میں شہر کے معروف نعت ومنقبت خوان حضرات نے شرکت کی جبکہ صدارت کے فرائض علامہ فرقان حیدر عابدی نے انجام دئےے، محفل میں خصوصی طور پر شرکت کے لئے جعفریہ الائنس کے رہنما جناب شبر زیدی کو مدعو کیا گیا تھا۔بعد از محفل علامہ فرقان عابدی اور جناب شبر رضا نے علم مبارک کی پرچم کشائی کی، اس موقع پر علاقے کے مومینن کی بڑی تعداد موجود تھی۔اختتام پر غازی عباس ٹرسٹ کی جانب سے دسترخوان امام حسن ؑکا بھی اہتمام کیا گیا۔