عوام نے جعلی مینڈیٹ پرنواز حکومت کو مسترد کردیا،علامہ اعجازبہشتی

شیعہ نیوز (کراچی) مجلس و حدت مسلمین کراچی ڈویثرن ،پاکستان عوامی تحریک ،مسلم لیگ ق ،سنی اتحاد کونسل،سنی تحریک کی جانب سے اسلام آباد میں جاری انقلاب مارچ احتجاجی دھرنے کے حق میں نمائش چورنگی احتجاجی دھرنا دیا۔ دھرنے میں علامہ علی انور ،علامہ مبشر حسن ،علی حسین نقوی ،علامہ باقر زیدی ،علامہ عقیل موسیٰ ،الحاج اقبال محمود ،محمود میمن ، صاحبزادہ اظہر رضا، مطلوب اعوان ،نعیم عادل شیخ سمیت دیگر رہنماؤں نے شرکت کی دھرنے سے خطاب کرتے ہوئےایم ڈبلیو ایم کے مرکزی رہنماء علامہ اعجاز حسین بہشتی نےکہا کہ خائن حکمرانوں نے ملک میں جمہوریت کو نقصان پہنچایا، آئین اور قانون کی دھجیاں بکھیری گئیں، اقتدار پر قابض جماعتوں نے اعوانوں میں بیٹھ عوام کو سماجی ،معاشرتی ،معاشی طور پر کمزور کیا ،موجودہ ملکی حالات دہشتگردی کا تحفہ نواز حکومت کی دین ہیں ،افواج پاکستان کو سلام پیش کرتے ہیں ،آپریشن ضرب عزب نے دہشتگردوں کی کمر توڑ دی۔موجودہ حکومت تاریخ کی بد دیانت ترین حکومت ہے، دہشت گردی ، کرپشن عروج پر ہے،پاکستان کے بیدار عوام نے جعلی مینڈیٹ پرنواز حکومت کو مسترد کردیا ہے، الیکشن میں دھاندلی پرتمام سیاسی جماعتوں کو تحفظات ہیں ، شریف برداران کے ہاتھ بے گناہوں کے خون سے رنگین ہیں ، نواز حکومت نے کالعدم دہشتگرد تکفیری جماعتوں کو ملک میں مستحکم کیا ،وفاقی حکومت کی جانب سے کالعدم جماعتوں کومکمل حمایت حاصل ہے جس کا ثبوت آج کالعدم دہشگرد گروہوں کی جانب سے حکومت کے حق میں نکالی جانے والی ریلی ہے، علامہ مبشر حسن نے کہا کہ نواز حکومت کے حق میں کالعدم جماعتوں کی جانب سے نکالے جانے والی ریلی پر اب جمہوریت کی ٹھیکیدار سیاسی و مذہبی جماعتیں خاموش کیوں ہیں کیا یہ تمام جماعتیں ان کالعدم جماعتوں کی دہشتگردی کا نشانہ نہیں بنی۔اور ہم اس پر امن دھرنے سے چیف جسٹس آف پاکستان اور افواج پاکستان کر سر براہ جنرل راحیل شریف سمیت ریاستی اداروں کو یہ پیغام دینا چاہتے ہیں کے نواز حکومت پورے ملک میں و زیرستان جیسے حالات پیدا کرنا چاہتی ہے۔