بنوں، پولیس چوکی پر دہشتگردوں کا حملہ، 2 اہلکار شہید، 3 حملہ آور بھی ہلاک

شیعہ نیوز (بنوں) بنوں کے علاقہ تھانہ ہوید کی حدود میں پولیس چوکی پر دہشت گردوں کے حملے میں 2 پولیس اہلکار شہید جب کہ جوابی کارروائی میں 3 حملہ آور بھی مارے گئے۔ ذرائع کے مطابق بنوں کے ہوید پولیس چوکی پر شدت پسندوں نے اندھا دھند فائرنگ کر دی، جس کے نتیجے میں 2 اہلکار شہید ہو گئے۔ پولیس کی جوابی کارروائی میں 3 حملہ آور بھی مارے گئے جب کہ دہشت گرد اپنے 2 ساتھیوں کی لاشیں بھی ساتھ لے گئے۔ پولیس حکام کا کہنا ہے کہ علاقے کا محاصرہ کر کے ملزمان کی گرفتار ی کے لئے چھاپہ مار کارروئیاں شروع کر دی گئی ہیں۔