ایم ڈبلیو ایم کے کارکن لوگوں کی خدمت کو اپنا شعار بنائیں، یعقوب حسینی

شیعہ نیوز (صحبت پور) مجلس وحدت مسلمین ضلع صحبت پور کے زیر اہتمام ایک روزہ فری میڈیکل کیمپ کا افتتاح مرکزی سیکرٹری تنظیم یعقوب حسینی نے کیا، جبکہ تقریب کے مہمان خاص صوبائی سیکرٹری جنرل مجلس وحدت مسلمین علامہ مقصود علی ڈومکی تھے۔ اس موقع پر گفتگو کرتے ہوئے یعقوب حسینی نے کہا کہ دکھی انسانیت کی خدمت عبادت ہے، ایم ڈبلیو ایم کے کارکن لوگوں کی خدمت کو اپنا شعار بنائیں، اس موقع پر گفتگو کرتے ہوئے علامہ مقصود علی ڈومکی نے کہا کہ ہم بلا تفریق رنگ، نسل و مذہب عوام کی خدمت کرنا چاہتے ہیں کیونکہ یہی انبیائے کرام (ع) کی سیرت رہی ہے۔ میڈیکل کیمپ میں دو سو چھیالیس مریضوں کا معائنہ کیا گیا اور انہیں مفت دوائیاں دی گئیں۔