مالاکنڈ، دہشتگردی کا بڑا منصوبہ ناکام، بارود سے بھری گاڑی برآمد

شیعہ نیوز (مالاکنڈ) سیکیورٹی فورسز نے مالاکنڈ میں دہشت گردی کا بڑا منصوبہ ناکام بناتے ہوئے بارود سے بھاری گاڑی قبضے میں لے لی۔ گاڑی کے ڈرائیور، ایک خاتون اور پانچ بچوں کو حراست میں لے لیا گیا، سرکاری ذرائع کے مطابق سیکیورٹی فورسز نے درگئی چیک پوسٹ پر ایک مشتبہ گاڑی کو روکا اور تلاشی کے دوران برآمد ہونے والے بارود کو قبضے میں لے لیا، گاڑی میں سوار خاتون، ڈرائیور اور پانچ بچوں کو بھی حراست میں لے لیا گیا۔ بم ڈسپوزل یونٹ کے اہلکاروں نے بارودی مواد کو ناکارہ بنا دیا جبکہ ڈرائیور کے ابتدائی بیان کے مطابق وہ بارود سے بھری گاڑی دیر لے جا رہا تھا۔