سرگودھا، مجلس میں جانے والی خواتین کی گاڑی کو حادثہ، 3 خواتین جاں بحق، 16 زخمی

شیعہ نیوز (سرگودھا) پنجاب کے شہر سرگودھا میں مجلس عزا میں شرکت کیلئے جانے والے زائرین کی گاڑی کو حادثہ پیش آگیا،حادثے میں تین خواتین جاں بحق اور سولہ افراد زخمی ہوگئے،سرگودھا میں چک نمبر ایک سو چھبیس جنوبی سے عزاداران مجلس میں شرکت کیلئے جارہے تھے کہ سلانوالی روڈ پر انکی گاڑی تیزرفتاری کے باعث مخالف سمت سے آنے والی ٹریکٹر ٹرالی سے ٹکراگئی۔ حادثہ اتنا شدید تھا کہ تین خواتین موقع پر ہی جاں بحق ہوگئیں اور سولہ افراد شدید زخمی ہوگئے۔ زخمیوں کو فوری طبی امداد کیلئے سول ہسپتال سوگودھا منتقل کردیا گیا۔ڈاکٹرز کے مطابق چار زخمیوں کی حالت تشویشناک ہے۔