کراچی میں مبینہ پولیس مقابلہ، عزاداروں سے لوٹ مار کرنے والا 1 ڈاکو ہلاک، دوسرا زخمی

شیعہ نیوز (کراچی) مچھر کالونی میں مبینہ پولیس مقابلہ، ایک ڈاکو ہلاک، دوسرا زخمی حالت میں گرفتار۔ تفصیلات کے مطابق ہفتے کی صبح مچھر کالونی ریلوے ریلوے پٹری کے قریب مبینہ پولیس مقابلے میں ایک ڈاکو ہلاک جبکہ اس کا ساتھی 20 سالہ عدیل ولد حسین زخمی حالت میں گرفتار کرلیا گیا۔ پولیس کے مطابق ملزمان آئی سی آئی پل پر مجالس سے واپس جانے والے عزاداروں سے لوٹ مار کررہے تھے کہ گشت پر مامور پولیس موقع پر پہنچ گئی، ملزمان پولیس کو دیکھتے ہی فائرنگ کرتے ہوئے مچھر کالونی میں داخل ہوئے جہاں پولیس اور ملزمان کے درمیان مقابلہ ہوگیا، مقابلے کے دوران ایک ڈاکو ہلاک ہوگیا جبکہ زخمی حالت میں گرفتار ہونے والے ملزم کے قبضے سے اسلحہ اور مسروقہ سامان برآمد کرلیا گیا۔ پولیس کا کہنا ہے کہ ملزمان عادی جرائم پیشہ ہیں۔