شکار پور: امابارگاہ دھماکے میں 50 سے زائد مومنین شہید ، درجنوں زخمی

شیعہ نیوز (پاکستانی شیعہ خبر رساں ادارہ) شکارپور کے علاقے لکھی درکی ایک امام بارگاہ کربلا معلیٰ میں نماز جمعہ کی ادائیگی کے دوران بم دھماکا ہوا، جس میں 50سے زائدمومنین شہید ہوئے جن میں سے 46 کی شناخت ہو گئی ہے۔اطلاعات کے مطابق دھماکے کے بعد مسجد کی چھت بوسیدہ ہو کر نیچے آن گری جس کے نتیجے میں امدادی کارروائیوں میں مصروف متعدد افراد ملبے تلے دب گئے، شکارپور کے ڈسٹرکٹ ہیلتھ آفیسر ڈاکٹر منیر جوکھیو نے ہلاکتوں کی تصدیق کرتے ہوئے کہا ہے کہ اس واقعے میں 55 مومنین د زخمی بھی ہوئے، زخمیوں میں سے متعدد کی حالت تشویش ناک بتائی جارہی ہے، جنھیں چانڈکا میڈیکل ہسپتال لاڑکانہ منتقل کردیا گیاسمیت سکھر بھی منتقل کیا جارہا ہے، ایس ایس پی شکار پور ثاقب اسماعیل کے مطابق زخمیوں کو شکارپور کے مرکزی سول ہسپتال منتقل کیا گیا جبکہ سکھر، جیکب آباد اور نوابشاہ کے ہسپتالوں میں بھی ایمرجنسی نافذ کردی گئی، پاک فوج کے شعبہ تعلقات عامہ آئی ایس پی آر کے مطابق دھماکے کے زخمیوں کے علاج کے لیے پنوں عاقل گیریژن سے فوج کی 4 ایمبولینسیں شکارپور روانہ کردی گئی ہیں جبکہ زخمیوں کے علاج کے لیے آرمی ڈاکٹروں کی ٹیم بھی روانہ کردی گئی ہے۔