انقلاب اسلامی ایران دشمن کی ہزاروں سازشوں کے باوجود آج بھی قائم و دائم ہے، توحید علوی

شیعہ نیوز (پشاور) امامیہ اسٹوڈنٹس آرگنائزیشن پاکستان پشاور ڈویژن کے صدر توحید علوی نے سالگرہ انقلاب اسلامی کے حوالے سے ایک بیان میں کہا کہ انقلاب اسلامی ایران دشمن کی ہزاروں سازشوں کے باوجود آج بھی قائم و دائم ہے، پاکستان میں ہر تبدیلی کی ہر لہر کو انقلاب تصور کیا جاتا ہے جبکہ ایسا درست نہیں ہے، انقلاب اسلامی کے حقیقی مظاہر سے آشنا ہونے کی ضرورت ہے۔ انہوں نے کہا کہ اس وقت دنیا بھر میں اسلامی بیداری کی ایک لہر موجود ہے اور وہ صرف اور صرف انقلاب اسلامی ایران کی بدولت ہے، جس دن پاکستان کو انقلاب اسلامی کا ادراک ہو گیا اس دن پاکستان تمام بحرانوں کے چنگل سے باہر آ جائے گا۔