ماہ فروری، کراچی میں 76 افراد ٹارگٹ کلنگ کا نشانہ بنے

شیعہ نیوز (کراچی) پولیس اور رینجرز کی کارروائیوں کے باوجود ٹارگٹ کلرز اپنے ہدف کو نشانہ بنا رہے ہیں۔ اعداد و شمار کے مطابق گذشتہ ماہ فروری کے 28 دنوں میں فائرنگ کے واقعات میں پولیس اہلکار سمیت 76 افراد زندگی کی بازی ہار گئے جبکہ ایک درجن سے زائد افراد زخمی ہوئے جاں بحق ہونے والوں میں سیاسی و مذہبی جماعتوں کے عہدیدار اور کارکنان، پولیس اہلکار اور خاتون شامل ہے۔ فروری میں رینجرز اور پولیس نے مبینہ مقابلوں کے دوران 54 ملزمان ہلاک کر کے اسلحہ، دھماکا خیز مواد، دستی بم برآمد کیے۔ ماہ فروری میں شہر کے مختلف علاقوں میں بم دھماکے، کریکر اور دستی بم کے 7 حملے کیے گئے۔ 3 فروری کو گلشن اقبال میں ایک اسکول پر کریکر حملہ کیا گیا اور اسی دن حبیب بینک چورنگی فلائی اوور کے نیچے نصب بم زور دار دھماکے سے پھٹ گیا۔