ڈیرہ اسماعیل خان میں سیکیورٹی فورسز کی گاڑی پر بم حملہ، ایک اہلکار شہید

شیعہ نیوز (پاکستانی شیعہ خبر رساں ادارہ) حتالہ روڈ پر سیکیورٹی فورسزکی گاڑی کے قریب بم دھماکے میں ایک سیکیورٹی اہلکار ہلاک جب کہ 2 زخمی ہوگئے۔ تفصیلات کے مطابق ڈیرہ اسماعیل خان میں حتالہ روڈ پر سڑک کنارے نصب دھماکا خیز مواد کو اس وقت اڑایا گیا جب سیکیورٹی اہلکاروں کی گاڑی قریب آئی، دھماکے کے نتیجے میں 1 سیکیورٹی اہلکار شہید جب کہ 2 زخمی ہوگئے جنہیں طبی امداد   کے لئے سی ایم ایچ منتقل کردیا گیا ہےجہاں انہیں طبی امداد فراہم کی جارہی ہے۔ واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے جب کہ کسی قسم کی گرفتاری کی تصدیق یا تردید نہیں کی گئی۔