یوم دفاع پر علامہ راجہ ناصر عباس کا خصوصی پیغام
شیعہ نیوز (پاکستانی شیعہ خبررساں ادارہ )یوم دفاع پاکستان کی گولڈن جوبلی کے موقع پر مرکزی سیکریٹریٹ سے جاری اپنے تہنتی پیغام میں سربراہ مجلس وحدت مسلمین پاکستان علامہ ناصر عباس جعفری نے کہا ہے کہ آج 50برس بعد بھی شہدائے وطن کی قربانیاں ہمارے دلوں میں زندہ ہیں ،6 ستمبر1965کا عظیم دن پاکستان کی تاریخ میں سنہری حروف سے لکھا ہوا ہے، پاک افواج کے بہادر سپوتوں نے ہندوستان کے ناقابل تسخیر ہونے کے دعوے کو خاک میں ملا دیا، اپنی قیمتی جانوں کا نذرانہ پیش کرکے دشمن کے ناپاک عزائم کوخاک میں ملانے والے فوجی جوانوں کو سلام عقیدت پیش کرتے ہیں ، 1965سے شروع ہونے والی افواج پاکستان کی استقامت و ایثار آج ضرب عضب تک جاری ہے،بھارت کی جانب سے لائن آف کنٹرول پر مسلسل گولہ باری اور پاکستانی شہریوں کی شہادتیں، ملت پاکستان اور افواج پاکستان کے عزم وحوصلے اور ولولے کے آگے رکاوٹ نہیں بن سکتیں ،بھارت پاک چین اقتصادی راہداری منصوبے اور ایک مستقبل کے ایک خودکفیل معاشی پاکستان کے خواب سے خوفزدہ ہے، بھارت کو ایک دہشت گردی میں گھرا، خون ا?لودپاکستان سوٹ کرتا ہے، ناکہ ایک مضبوط ، مستحکم اور معاشی پاکستان، افسوس آج ہمارے نا عاقبت اندیش حکمران بھی بھارت کی پالیسی کو فالوکرتے ہوئیدفاع وطن کی ضامن افواج پاکستان کے خلاف محاذآرائی میں مصروف ہیں ،افواج پاکستان لٹیریسیاست دانوں سے زیادہ محب وطن ہیں ،جوکہ بیرونی سرحدوں سمیت وطن عزیزکی نظریاتی اور معاشی سرحدوں کی بھی حفاظت کا کام بخیر وخوبی انجام دیں رہے ہیں،بیرونی ایجنڈوں پر برسراقتدار آنے والے حکمرانوں کی تجوریوں میں بھری قومی دولت واپس نکلوانے کیلئے دن رات کوشاں ہیں، بیس کروڑاہل تاریخ کے اس ناذک دوراہے پر اپنی پاک فوج اور اس کے سپہ سالارکے شابہ بشابہ کھڑے ہیں۔
ان کامذید کہنا تھا افواج پاکستان کی تاریخ جذبہ ایثار و فدا کاری سے عبارت ہے، بھارتی جارحیت ہو یا طالبانی لشکر کشی، ضرب عضب ہو یا سیلاب و زلزلہ فوجی جوان ہر لمحہ ملک و قوم کی خدمت میں پیش پیش نظر آتے ہیں ،حالیہ ملکی سیاسی حالات میں بھی پاک فوج کا کردار قابل تحسین ہے ، انتہائی درجے کی سازشوں کے باوجود افواج پاکستان نے سیاسی معاملات میں دخل اندازی سے گریز گیااور سیاسی مسائل کے حل کے لئے اپنا غیر جانبدار قابل ستائش قردار اد اکیا، لیکن دوسری جانب ملک دشمن ایجنڈے پر کاربند قومی وسائل ہڑپ کرجانے والے بعض حکمران صبح وشام افواج پاکستان کا استحقاق مجروح کرنے میں مصروف ہیں ، جن کا مقصد ملت پاکستان اور افواج پاکستان کے درمیان کشیدگی کو پروان چڑھا کر اپنے غیر ملکی آقاؤں کے ایجنڈے کو عملی جامع پہنانا اورقومی دفاع کو کمزور کر نا ہے، لیکن ملت پاکستان بیدار اور ہوشیار ہے افواج پاکستان کے خلاف حکمران جماعت ، بعض ذرائع ابلاغ اورغیر ملکی ایجنسیوں کسی بھی سازش کو کسی صورت کامیاب نہیں ہونے دے گی۔
پڑھا گیا 13 دفعہ
