راولپنڈی بھر میں حساس مذہبی مقامات کی سیکیورٹی کو مزید سخت کر دیا گیا

شیعہ نیوز (پاکستانی شیعہ خبر رساں ادارہ)راولپنڈی میں حساس قرار دی گئی امام بارگاہوں کی ویڈیو فلم بناتے ہوئے دو مشکوک افراد کو حراست میں لے لیا گیا۔ ساتویں محرم کے جلوس سے قبل امام بارگاہ کی ویڈیو بنانے کی کوشش کے بعد راولپنڈی بھر میں حساس مذہبی مقامات کی سیکیورٹی کو مزید سخت کر دیا گیا ہے اور گرفتار افراد سے تحقیقات کے لئے پولیس کی تین ٹیمیں تشکیل دیدی گئی ہیں جن میں فرانزک کے ماہرین بھی شامل ہیں۔ ذرائع کے مطابق مشکوک افراد کے قبضے سے کئی آلات بھی قبضے میں لئے گئے ہیں۔ راولپنڈی پولیس کے سینئر افسر نے بتایا کہ گرفتار افراد سے چھان بین کا سلسلہ جاری ہے اور تفصیلی جانچ پڑتال سےپہلے کچھ کہنا قبل از وقت ہوگا۔ ادھر تھانہ صادق آباد کے علاقے میں پولیس نے بلا اجازت نکلنے والے جلوس کو رکوا دیا