کراچی آپریشن بلاتفریق بھرپور انداز میں جاری ر ہے گا ، کور کمانڈر کراچی

شیعہ نیوز (پاکستانی شیعہ خبر رساں ادارہ)کور کمانڈر کراچی لیفٹیننٹ جنرل نوید مختار نے رینجرز کو شہر کراچی میں جاری آپریشن بلا تفریق جاری رکھنے کی ہدایت کی ہے۔ ترجمان رینجرز کے مطابق کور کمانڈر کراچی لیفٹیننٹ جنرل نوید مختار نے رینجرز ہیڈکوارٹر کراچی کا دورہ کیا، جس میں انہوں نے ڈی جی رینجرز میجر جنرل بلال اکبر سے ملاقات کی، جبکہ اس موقع پر ڈی جی رینجرز نے انہیں شہر میں جاری حالیہ آپریشن میں پیشرفت سے متعلق بریفنگ دی۔ ترجمان کا کہنا تھا کہ کور کمانڈر کراچی نے سندھ رینجرز کے سیکٹر اور ونگ کمانڈرز کی کارکردگی کو سراہا، جبکہ رینجرز کو شہر کراچی میں آپریشن بلاتفریق بھرپور انداز میں جاری رکھنے کی بھی ہدایت کی