علامہ ساجد علی نقوی کا دورہ ملتان، دربار حضرت شاہ شمس پر چادر چڑھائی
شیعہ نیوز (پاکستانی شیعہ خبر رساں ادارہ)شیعہ علماء کونسل پاکستان کے سربراہ علامہ سید ساجد علی نقوی کراچی سے بذریعہ ہوائی جہاز ملتان پہنچ گئے، اس موقع پر اُن کے پرسنل سیکرٹری سید سکندر عباس گیلانی بھی ان کے ہمراہ تھے، ملتان ایئر پورٹ پہنچنے پر شیعہ علماء کونسل کے رہنمائوں کی جانب سے ان کا استقبال کیا گیا، بعدازاں اُنہوں نے ملتان میں وفات پا جانے والی مختلف شخصیات کے لواحقین سے اظہار تعزیت کیا اور فاتحہ خوانی بھی کی۔ علامہ سید ساجد علی نقوی نے مظفرآباد میں مختلف شخصیات کے انتقال پر فاتحہ خوانی کی، بعدازاں شیعہ علماء کونسل ملتان کے سابق ڈویژنل صدر علامہ سید ضمیر الحسن نقوی کے انتقال پر اُن کے بیٹوں سے تعزیت کا اظہار کیا۔ علامہ سید ساجد علی نقوی نے اپنے دورے کے دوران حضرت شاہ شمس تبریزی کے گدی نشین مخدوم نیئر عباس شمسی کے انتقال پر اُن کے بھائی اور بیٹے سے تعزیت کا اظہار کیا۔ ایس یو سی کے سربراہ نے اس موقع پر دربار حضرت شاہ شمس پر حاضری دی اور چادر بھی چڑھائی
