رینجرز نے گزشتہ روز کراچی سے گرفتار کئے گئے 4 ٹارگٹ کلرز کی تفصیلات جاری کر دیں

شیعہ نیوز (پاکستانی شیعہ خبر رساں ادارہ) سندھ رینجرز نے گزشتہ روز کراچی کے مختلف علاقوں میں کارروائی کے دوران حراست میں لئے گئے 4 ٹارگٹ کلرز کی تفصیلات جاری کر دی ہیں۔ تفصیلات کے مطابق ترجمان رینجرز نے کہا کہ گزشتہ روز گرفتار کئے جانے والے ٹارگٹ کلرز میں ظہیر، عامر، بابر اور ہارون شامل ہیں۔ ملزم عامر عرف نقطہ کا تعلق ایم کیو ایم سے ہے، اور اس نے پولیس سمیت حساس اداروں کے تین اہلکاروں کو قتل کیا تھا، ملزم ظہیر عرف پیالہ کا تعلق کالعدم تنظیم سے ہے، اور اس نے چھ پولیس اہلکاروں اور 1995ء میں سابق ڈی ایس پی ریٹائر عبدالشکور کو قتل کیا تھا۔ ترجمان رینجرز کا کہناتھا کہ ملزم ہارون اور بابر عرف چنگاری بھی قتل کی دیگر وارداتوں میں ملوث ہیں۔