لاہور، چہلم کے جلوس کے روٹ میں داخل ہونیوالے 3 مبینہ دہشتگرد گرفتار

شیعہ نیوز (پاکستانی شیعہ خبر رساں ادارہ)لاہور میں بھاٹی چوک کے قریب سے چہلم کے جلوس کے روٹ میں داخل ہونیوالے 3 مبینہ تکفیری دہشت گرد گرفتار کر لئے گئے۔ پولیس نے مبینہ دہشتگردوں کو تفتیش کے لئے حساس اداروں کے حوالے کر دیا ہے۔ پولیس ذرائع کے مطابق بھاٹی گیٹ کے قریب ناکے سے 3 مبینہ تکفیری  دہشتگردوں نے جلوس کے روٹ میں داخل ہونے کی کوشش کی جنہیں پولیس نے مشکوک جانتے ہوئے روک لیا۔ دوران تفتیش تینوں افراد کے قبضے سے موبائل فون اور دیگر دستاویزات برآمد ہوئیں۔ واقعہ کی اطلاع پا کر پولیس افسران بھی موقع پر پہنچ گئے، پولیس افسران نے تینوں مبینہ دہشتگردوں کو تفتیش کیلئے حساس اداروں کے حوالے کر دیا ہے جن سے نامعلوم مقام پر تفتیش کی جا رہی ہے۔ پولیس ذرائع کا کہنا ہے کہ تینوں مبینہ دہشت گرد اردو نہیں بول سکتے اور ان کی عمریں بھی بیس سے پچیس سال کے درمیان ھیں