کراچی میں تین دن میں بعد رینجرز کی کارروائیاں، 5تکفیری دہشتگرد گرفتار

شیعہ نیوز (پاکستانی شیعہ خبر رساں ادارہ) خصوصی اختیارات ختم ہونے کے تین دن بعد رینجرز نے شہر کے مختلف علاقوں میں کارروائیوں کے دوران 5 تکفیری دہشتگردوں کو گرفتار کرلیا، جن کے قبضے سے اسلحہ بھی برآمد کیا گیا ہے۔ ترجمان رینجرز کے مطابق کراچی کے علاقے اورنگی ٹاؤن کےمختلف مقامات پرکالعدم دہشتگرد جماعتوں کے تکفیری دہشت گردوں کی موجودگی کی اطلاع پر کارروائی کی گئی، جس میں 5 دہشتگردوں کو گرفتار کیا گیا، جن کا تعلق کالعدم تنظیموں سے ہے۔ ترجمان کے مطابق دہشت گردوں کے قبضے سے بھاری مقدار میں اسلحہ برآمد کیا گیا ہے، جس میں جی تھری اور آر پی جی رائفل بھی شامل ہیں۔ رینجرز نے پانچوں دہشتگردوں کو مزید تفتیش کیلئے نامعلوم مقام پر منتقل کر دیا ہے