کراچی میں داعش سے تعلق رکھنے والی خواتین کا ایک اور گروہ بے نقاب

شیعہ نیوز (پاکستانی شیعہ خبر رساں ادارہ) شہر قائد میں دہشتگرد تنظیم داعش سے تعلق رکھنے والی خواتین کا ایک اور گروہ بے نقاب ہو گیا ہے۔ میڈیا رپورٹس کے مطابق پنجاب سے زیر حراست داعش کے کارکن کامران گجر نے دوران تفتیش بتایا ہے کہ کراچی میں اس کی اہلیہ اور بہن داعش کیلئے فنڈز اکٹھے کرتی ہیں۔ حساس اداروں کے مطابق یہ خواتین لڑکیوں کی برین واشنگ کیلئے ماہر ہیں۔ گرفتار دہشتگرد کے انکشاف کے بعد حساس اداروں نے داعش سے تعلق رکھنے والی 121 خواتین کی فہرست بنا لی ہے۔ اس سلسلے میں مختلف شہروں سے مزید خواتین کی گرفتاری کا امکان ہے۔ ذرائع کا کہنا ہے کہ حساس اداروں نے داعش سے تعلق رکھنے والے بیرون ملک رہنے والے پاکستانی شہریوں کی گرفتاری کیلئے انٹرپول سے رابطے کا فیصلہ بھی کیا ہے۔