کراچی، سکیورٹی فورسز کی کارروائی میں طالبان کمانڈر نذیر پٹھان گرفتار

شیعہ نیوز (پاکستانی شیعہ خبر رساں ادارہ)حساس اداروں اور سکیورٹی فورسز نے کراچی کے مختلف علاقوں میں مشترکہ سرچ آپریشن کے دوران 8 تکفیری دہشت گردوں کو گرفتار کر لیا ہے۔ گرفتار شدگان میں کالعدم تحریک طالبان پاکستان کا اہم کمانڈر نذیر پٹھان بھی شامل ہے۔ دہشتگردوں کو فائرنگ کے تبادلے کے بعد حراست میں لیا گیا۔ کراچی کے مختلف علاقوں میں قانون نافذ کرنے والے اداروں نے کارروائی کرکے زخمی دہشت گرد سمیت 8 تکفیری دہشتگردوں کو گرفتار کیا۔ گرفتار ہونے والے دہشتگردوں میں کالعدم تکفیری دہشتگرد گروہ تحریک طالبان پاکستان کا کمانڈر نذیر پٹھان بھی شامل ہے۔ منگھو پیر میں پولیس مقابلے کے دوران تکفیری دہشتگرد کمانڈر نذیر پٹھان عرف بادشاہ کو زخمی حالت میں گرفتار کیا گیا۔ پولیس کے مطابق گرفتار دہشتگرد نذیر پٹھان کے دو ساتھی فرار ہونے میں کامیاب ہوگئے۔ گرفتار دہشتگرد کا تعلق تحریک طالبان عابد مچھڑ گروپ سے ہے۔ اس کے قبضے سے اسلحہ اور دستی بم برآمد ہوئے