کراچی،تکفیری دہشتگردوں کا گلشن اقبال تھانے پر کریکر حملہ، دو اہلکار زخمی

شیعہ نیوز (پاکستانی شیعہ خبر رساں ادارہ )گلشن اقبال میں تکفیری دہشتگردوں نے پولیس سٹیشن پر کریکر حملہ کیا، جس سے دو پولیس اہلکار زخمی ہوئے ہیں۔ ڈی ایس پی ناصر لودھی نے کہا کہ موٹر سائکل سوار تکفیری دہشتگردوں نے گلشن اقبال تھانے پر کریکر سے حملہ کیا ہے۔ جس کے نتیجے میں تھانے کے گیٹ پر موجود دو پولیس اہلکار زخمی ہو گئے۔ حملے سے تھانے کی عمارت کو جزوی نقصان بھی پہنچا ہے۔

دوسری جانب رینجرز نے شہر قائد میں کارروائی کرتے ہوئے چار ملزمان کو گرفتار کرلیا، جن کے قبضے سے اسلحہ بھی برآمد ہوا ہے۔ ترجمان رینجرز کے مطابق کراچی کے علاقے حب میں کارروائی کرکے چار ملزمان کو گرفتار کیا گیا ہے، جن کے قبضے سے اسلحہ بھی برآمد کیا گیا۔ انہوں نے کہا کہ گرفتار ملزمان سنگین جرائم میں ملوث تھے