لودھراں میں سی ٹی ڈی کی کارروائی، چار دہشتگرد ہلاک، تین فرار

شیعہ نیوز (پاکستانی شیعہ خبر رساں ادارہ) لودھراں کے قریب انسداد دہشت گردی فورس نے کارروائی کرکے کالعدم تنظیم سے تعلق رکھنے والے چار دہشت گردوں کو ہلاک کردیا ہے۔ میڈیا رپورٹس کے مطابق لودھراں کے قریب انسداد دہشت گردی فورس نے چھاپہ مارکارروائی کی، جس پر دہشت گردوں نے فائرنگ کردی، جوابی فائرنگ میں چار دہشت گرد ہلاک ہوئے، جبکہ تین فرار ہونے میں کامیاب ہوگئے۔ ترجمان سی ٹی ڈی کے مطابق ہلاک دہشت گردوں کے قبضے سے خودکش جیکٹس، دستی بم اور اسلحہ بھی برآمد ہوا ہے۔