سی ٹی ڈی کی کارروائی، چارسدہ سے دو انتہائی مطلوب دہشتگرد گرفتار

شیعہ نیوز (پاکستانی شیعہ خبر رساں ادارہ)  چارسدہ میں محمکہ انسداد دہشت گردی نے کارروائی کرتے ہوئے دو انتہائی مطلوب دہشت گردوں کو گرفتار کرلیا ہے۔ اطلاعات کے مطابق ان دہشتگردوں کے قبضے سے دستی بم و بارود بھی برآمد ہوا ہے۔ گرفتار افراد کو تفتیش کی غرض سے نامعلوم مقام پر منتقل کردیا گیا ہے۔ میڈیا ذرائع کے مطابق گرفتار دہشت گرد ٹارگٹ کلنگ اور سکولوں پر حملوں میں ملوث تھے اور اس کے علاوہ تخریب کاری کے متعدد واقعات میں پولیس کو بھی مطلوب تھے۔ گرفتار دہشت گرد زیب کا تعلق باجوڑ ایجنسی اور ہیرزادہ کا افغانستان سے ہے، جبکہ ان کے قبضے سے بھاری مقدار میں اسلحہ اور بارودی مواد بھی برآمد کیا گیا ہے۔ میڈیا ذرائع کے مطابق گزشتہ دنوں نے سکیورٹی فورسز نے مہمند ایجنسی میں مشترکہ آپریشن کے دوران متعدد مشتبہ افراد کو گرفتار کیا تھا، جن سے تفتیش کے دوران انتہائی کارآمد معلومات ملی تھیں۔