کراچی، سی ٹی ڈی کا دہشت گردوں کی اطلاع پر احسن آباد میں چھاپہ، فائرنگ کا تبادلہ

شیعہ نیوز (پاکستانی شیعہ خبر رساں ادارہ) کراچی کے علاقے احسن آباد میں انسداد دہشت گردی پولیس اور دہشت گردوں میں فائرنگ کا تبادلہ جاری ہے۔ تفصیلات کے مطابق انچارج سی ٹی ڈی راجا عمر خطاب نے کہا ہے کہ سی ٹی ڈی اہلکاروں نے انتہائی مطلوب دہشت گردوں کی موجودگی کی اطلاع پر گلشن اقبال کے علاقے احسن آباد میں چھاپہ مارا جس پر دہشت گردوں نے اہلکاورں پر فائرنگ اور دستی بموں سے حملہ کر دیا۔ انہوں نے کہا کہ دہشت گردوں کے ساتھ سی ٹی ڈی اہلکاروں کا فائرنگ کا تبادلہ جاری ہے۔