ڈی آئی خان، علامہ ساجد نقوی کی شہداء کی گھروں میں آمد، لواحقین سے تعزیت

شیعہ نیوز (پاکستانی شیعہ خبر رساں ادارہ )علامہ سید ساجد علی نقوی نے شھداء کے گھروں میں جاکر خانوادہ شھداء سے ملاقات کی اور ان کو تعزیت پیش کی۔

زرائع کے مطابق شیعہ علماء کونسل پاکستان کے سربراہ علامہ سید ساجد علی نقوی نے اپنے وفد کے ہمراہ شہدائے ڈیرہ اسماعیل خان کے گھروں میں جا کر ان کے لواحقین سے تعزیت کی۔ اس موقع پر ان کے ہمراہ شیعہ علماء کونسل کے مرکزی نائب صدر علامہ محمد رمضان توقیر، شیعہ علماء کونسل ڈیرہ اسماعیل خان کے دیگر عہدیداران اور جعفریہ اسٹوڈنٹس آرگنائزیشن کے جوان بھی تھے۔ علامہ سید ساجد علی نقوی نے ڈی آئی خان کے علاقوں چاہ سید منور شاہ، بستی ڈیوالہ، مریالی، تھلہ بمو شاہ ،تھلہ بھورا شاہ، مشہور نوحہ خواں پیر سید سبطین شاہ کے ڈیرہ کا بھی دورہ کیا اور شہداء کے درجات کی بلندی کیلئے فاتحہ خوانی کی۔