ہری پور آپریشن کے دوران ملٹری انٹیلی جنس کے حوالدار سرفراز نے جام شہادت نوش کیا

شیعہ نیوز (پاکستانی شیعہ خبر رساں ادارہ) سیکورٹی فورسز اور پولیس کے مشترکہ سرچ آپریشن کے دوران مبینہ دہشت گردوں کی جوابی فائرنگ کا نشانہ بننے والے ملٹری انٹیلی جنس کے حوالدار سرفراز نے جام شہادت نوش کر لیا، عوامی حلقوں کی جانب سے پاک فوج کی لازوال قربانیوں پر انہیں خراج تحسین پیش کیا گیا، یاد رہے کہ گزشتہ رات خانپور کے علاقہ پنڈ گاکھڑا میں سرچ آپریشن کے دوران تین مبینہ دہشتگرد سیکورٹی فورسز کا نشانہ بنے تاہم دہشتگردوں کی جانب سے جوابی فائرنگ کے نتیجے میں سیکورٹی فورسز کا ایک ایک اہلکار شہید ہوا تھا، شہید ہونے والے حوالدار سرفراز کافی عرصہ سے پاک فوج میں اپنی خدمات سر انجام دے رہے تھے۔