راولپنڈی، سی ٹی ڈی کی کاروائی،داعش کا دہشتگرد کمانڈر گرفتار

شیعہ نیوز ( پاکستان شیعہ خبر رساں ادارہ )سی ٹی ڈی نے راولپنڈی میں کارروائی کرتے ہوئے سعودی نمک خوار عالمی تکفیری دہشتگرد گروہ داعش کے کمانڈر کو گرفتار کر کے اس کے قبضے سے بڑی تعداد میں ممنوعہ لٹریچر بھی برآمد کر لیا۔

ذرائع کے مطابق سی ٹی ڈی لاہور نے مصدقہ اطلاع پر راولپنڈی کے علاقے حکیم سعید آباد میں کارروائی کر کے سفاک تکفیری دہشتگرد گروہ داعش کے کمانڈر علی جہانگیر کو گرفتار کر لیا۔ سی ٹی ڈی حکام کا کہنا ہے کہ داعش کے دہشتگرد کمانڈر کے قبضے سے درجنوں ممنوعہ سی ڈیز برآمد ہوئی ہیں جن کے ذریعے سے وہ اشتعال انگیز پیغامات پنجاب بھر میں پھیلاتا تھا۔ پولیس حکام کا کہنا ہے کہ علی جہانگیر عرف نفیس ایوب پارک کے قریب کرائے کے مکان میں رہ رہا تھا، دہشت گرد کے خلاف مقدمہ درج کر کے تحقیقات کا آغاز کر دیا گیا ہے۔