شہید خرم ذکی کا چہلم، لا تکفیر کانفرنس سے کالعدم سپاہ صحابہ کے رہنما خصوصی خطاب کریں گے
شیعہ نیوز (پاکستانی شیعہ خبر رساں ادارہ) پاکستان کے سب سے بڑے شہر کراچی میں شہید خرم ذکی کے چہلم کی مناسبت سے ’’لا تکفیر کانفرنس‘‘ امروہہ گراؤنڈ انچولی سوسائٹی میں منعقد کی جائے گی۔ کانفرنس کا اہتمام محبان شہید خرم ذکی کے بینر تلے کیا گیا ہے۔ کانفرنس سے خصوصی خطاب سینیٹر فیصل رضا عابدی، ایم کیو ایم کے رہنما فاروق ستار، پیپلز پارٹی کے تاج حیدر، پی ٹی آئی کے عمران اسماعیل، مجلس وحدت مسلمین کے علامہ امین شہیدی، شیعہ علماء کونسل کے علامہ ناظر عباس تقوی، اہلسنت عالم دین مفتی گلزار نعیمی، اہلحدیث عالم دین علامہ ضیاء اللہ بخاری، سول سوسائٹی کے رہنما جبران ناصر، اے این پی کے یونس خان بونیری، پاکستان عوامی تحریک کے علی اوسط، متحدہ علماء محاذ کے مولانا انتظار الحق تھانوی، عیسائی رہنما، بشپ خادم بھٹو، ہندو رہنما منگلا شرما، جے ڈی سی کے چیئرمین ظفر عباس، اوج ٹرسٹ کے ثمر عباس، معروف سماجی رہنما انصار برنی سمیت دیگر رہنما خطاب کریں گے۔ کانفرنس میں کالعدم سپاہ صحابہ اور کالعدم لشکر جھنگوی کے رہنما بھی خصوصی شرکت کریں اور شہید خرم ذکی کی شخصیت پر اظہار خیال کریں گے۔ کانفرنس میں مجلس وحدت مسلمین، شیعہ علماء کونسل، امامیہ اسٹوڈنٹس آرگنائزیشن، پیام ولایت فاؤنڈیشن سمیت دیگر جماعتوں کے رہنماؤں و کارکنان کو شرکت کی دعوت دی گئی ہے۔
