پاک فوج کی گاڑی پر فائرنگ عقب سے کی گئی، فائرنگ میں چھوٹا اسلحہ استعمال کیا گیا، راجہ عمر خطاب

شیعہ نیوز ( پاکستانی شیعہ خبر رساں ادارہ )کاؤنٹر ٹیررازم ڈیپارٹمنٹ (سی ٹی ڈی) کے انچارج راجہ عمر خطاب نے کہا ہے کہ صدر میں سیکیورٹی ادارے کی گاڑی پر فائرنگ عقب سے کی گئی، جس کے نتیجہ میں دونوں اہلکار شہید ہوگئے۔

زرائع کے مطابق انچارج سی ٹی ڈی راجہ عمر خطاب کا کہنا تھا کہ فائرنگ میں چھوٹا اسلحہ نائن ایم ایم پستول کا استعمال کیا گیا۔ انہوں نے کہا کہ عینی شاہدین کے بیانات قلمبند کیے جارہے ہیں جس کی معلومات کے بعد تفتیش کے دائرہ کار کو وسیع کیا جائے گا، اطلاع کے مطابق گاڑی میں 2 جوان موجود تھے۔