کراچی آپریشن میں 6 ہزار افراد کو گرفتار کیا گیا، رینجرز حکام

شیعہ نیوز ( پاکستانی شیعہ خبر رساں ادارہ )رینجرز حکام کا کہنا ہے کہ کراچی آپریشن میں 6 ہزار افراد کو گرفتار کیا گیا جن میں سے 1236 دہشت گرد اور 838 ٹارگٹ کلرز تھے۔ ملوث افراد نے سات ہزار سے زائد کو نشانہ بنانے کا اعتراف کیا ہے۔

زرائع کے مطابق سینیٹ کی فنکشنل کمیٹی برائے انسانی حقوق کا اجلاس میں رینجرز حکام نے کمیٹی کو بریفنگ دیتے ہوئے بتایاکہ حیدر آباد سے بارہ ایسے افراد گرفتار کیے جو رینجرز کی وردی پہن کر آپریشن کر رہے تھے، کراچی میں دو ہزار تیرہ کے بعد سے اب تک سات ہزار نو سو پچاس آپریشن کیے گئے۔ کراچی میں ٹارگٹ کلرز کی جنوبی افریقہ، تھائی لینڈ اور برطانیہ سے مالی معاونت جاری ہے۔ ایم کیو ایم کیخلاف تیرہ سو تیرہ، پیپلز امن کمیٹی کیخلاف ایک ہزار پیتس اور عوامی نیشنل پارٹی کے خلاف اٹھائس آپریشن کیے گئے۔