سٹی کورٹ کراچی کے داخلی راستوں پر نصب واک تھرو گیٹس ناکارہ نکلے

شیعہ نیوز ( پاکستانی شیعہ خبر رساں ادارہ) شہر قائد میں سیکورٹی خدشات کے باوجود سٹی کورٹ کراچی کے داخلی راستوں پر نصب واک تھرو گیٹس ناکارہ ہو گئے۔

زرائع کے مطابق کراچی شہر میں پہلے سے موجود تکفیری دہشتگرد عناصر کی جانب سے حملوں کے خطرات اور حال ہی میں سول اسپتال کوئٹہ میں وکلاء پر ہونے والے سفاکانہ خودکش حملے کے بعد پورے ملک میں سیکیورٹی ہائی الرٹ کے باوجود سٹی کورٹ کراچی میں سیکیورٹی کے انتظامات نے صوبائی و مقامی انتظامیہ کے سخت سیکورٹی کے دعووں کی قلعی کھول دی۔سیکیورٹی ہائی الرٹ کے باوجود سٹی کورٹ کراچی کے داخلی راستوں پر نصب واک تھرو گیٹس ناکارہ ہوگئے ہیں۔ سیکورٹی خدشات کے باجود ناکارہ واک تھرو گیٹس کو درست کرنے پر توجہ نہیں دی گئی۔ واک تھرو گیٹس سے لوگ گزرتے ہیں، لیکن واک تھرو کا الارم نہیں بجتا، جس کے باعث ججز، وکلا اور سائلین پریشانی کا شکار ہوگئے۔