حضرت بابا بلھے شاہؒ کے 259 ویں عرس کی تقریبات 25 اگست سے شروع ہوں گی

شیعہ نیوز (پاکستانی شیعہ خبر رساں ادارہ) حضرت بابابلھے شاہؒ کے 259ویں 3 روزہ عرس کے حوالے سے فول پروف سکیورٹی انتظامات مکمل کرلئے گئے ہیں۔ ڈی پی اوقصور سیدعلی ناصررضوی نے محکمہ اوقاف کے افسران‘ضلعی انتظامیہ‘ امورمذہبی کمیٹی کے ارکان سے گفتگو کرتے ہوئے بتایا کہ حضرت بابابلھے شاہؒ کے 259ویں عرس کی تقریبات25اگست سے شروع ہوکر27اگست تک جاری رہیں گی۔ ان دنوں میں زائرین کی حفاظت کےلئے 1 ایس پی ‘2ڈی ایس پی ‘12انسپکٹرزسمیت ایک ہزار پولیس اہلکار ڈیوٹی سرانجام دینگے‘سکیورٹی کےلئے سی سی ٹی وی کیمرے اور واک تھرو گیٹس نصب کئے جاچکے ہیں جبکہ میٹل ڈیٹیکٹرکے ذریعے تمام زائرین کی چیکنگ کی جائے گی۔