سچ کی راہ میں جان دینے سے گریز نہ کرنا ہی کربلا کا سبق ہے، چوہدری حامد حمید

شیعہ نیوز ( پاکستانی شیعہ خبر رساں ادارہ ) محرم الحرام امت مسلمہ کو قربانی اور رواداری کا در س دیتا ہے، کربلا کے میدان میں حضرت امام حسینؑ اور ان کے اہل بیت نے مذہب اسلام کی سربلندی اور حق کیلئے جام شہادت نوش کیا، جس سے سبق ملتا ہے کہ حق سچ کیلئے ا گر جان بھی قربان کرنی پڑے تو گریز نہ کیا جائے۔

زرائع کے مطابق ان خیالات کا اظہار پاکستان مسلم لیگ کے رکن قومی اسمبلی چوہدری حامد حمید نے سرگودہا میں میڈیا سے گفتگو کرتے ہوئے کیا۔انھوں نے کہا کہ حضرت امام حسینؑ اور ا ن کے اہل بیتؑ کا نام آج بھی زند ہ ہے اور باطل قوتوں کا نام مٹ چکا ہے، شہید انسانیت نواسہ رسولؑ، حضرت امام حسینؑ اور ان کے رفقاء نے میدان کربلاء میں دین اسلام کی بقاء کیلئے شہادتوں کی عظیم داستان رقم کر کے ہمیں صبر کا درس دیا، شہدائے کربلاء کی لازوال قربانیاں ہمارے لئے مشعل راہ ہیں جو ہمیں ظالم، جابر و فاسق کے سامنے کلمہ حق کا درس دیتی ہیں۔