سپیشل پولیس یونٹ کی بنوں میں کارروائی، کالعدم تنظیم کے 3 دہشت گرد گرفتار، بارودی مواد و اسلحہ برآمد

شیعہ نیوز ( پاکستانی شیعہ خبر رساں ادارہ ) پشاور: سپیشل پولیس یونٹ نے بنوں میں کارروائی کے دوران کالعدم تنظیم کے 3 دہشت گردوں کو گرفتار کر کے بارودی مواد اور اسلحہ برآمد کر لیا ہے۔ تفصیلات کے مطابق سپیشل پولیس یونٹ نے بنوں میں کارروائی کے دوران کالعدم ٹی ٹی پی مقبول داوڑ گروپ سے تعلق رکھنے والے 3 دہشت گردوں کو گرفتار کر لیا ہے۔ پولیس کے مطابق گرفتار ملزم بھتہ خوری، پولیس ٹارگٹ کلنگ اور سرکاری اسلحہ چھیننے کی وارداتوں میں ملوث ہیں جبکہ ان کے قبضے سے ڈیڑھ کلوگرام بارودی مواد اور مسروقہ سرکاری اسلحہ بھی برآمد کر لیا گیا ہے۔