سی ٹی ڈی ملتان کی کاروائی، کلعدم تحریک طالبان کے 5 تکفیری دہشتگرد گرفتار

شیعہ نیوز ( پاکستانی شیعہ خبر رساں ادارہ ) سی ٹی ڈی ملتان نے مخبری پر چھاپہ مار کر 5 تکفیری دہشت گردوں کو گرفتار کرکے ان سے دستی بم اور اسلحہ برآمد کرلیا ہے۔ دوران تفتیش قانون نافذ کرنے والے اداروں پر دہشتگرد حملوں کی منصوبہ بندی کا انکشاف ہوا ہے۔ تفصیل کے مطابق سی ٹی ڈی ملتان کی ٹیم کو اطلاع ملی کہ پل سہو پر کچھ مشکوک افراد موجود ہیں جوکہ ملتان کے مختلف مقامات اور قانون نافذ کرنے والے اداروں پر حملوں کا منصوبہ بنا رہے ہیں۔

پولیس نے چھاپہ مارکر نصراللہ خان، زارازخان، حکیم خان، روزی خان، روح اللہ خان کو بارودی مواد سمیت رنگے ہاتھوں گرفتار کرلیا۔ ان کے قبضے سے 5 ہینڈ گرنیڈ، اسلحہ اور دیگر سامان برآمد ہوا ہے۔ ملزمان سے تفتیش جاری ہے اور تفتیش کے دوران انہوں نے ملتان کی اہم تنصیبات کو تباہ کرنے کا انکشاف کیا ہے، مزید تفتیش جاری ہے اہم انکشافات کی توقع ہے۔