پنجاب میں 52 افراد کو فورتھ شیڈول میں شامل کرنے کا فیصلہ

شیعہ نیوز ( پاکستانی شیعہ خبر رساں ادارہ ) لاہور: ذیلی کابینہ کمیٹی برائے امن و امان نے د ہشت گردی اور فرقہ واریت میں ملوث تنظیموں کے سہولت کاروں اور معاونین کے خلاف بھی کریک ڈاون آپریشن کرنے کا فیصلہ کرتے ہوئے پنجاب میں مزید 52 افراد کو فورتھ شیڈول کی فہرست میں شامل کرنے کا فیصلہ کر لیا۔ فیصلے کے بعد فہرست میں شامل ایک ایک شخص کو حراست میں لیاجائے گا۔

تفصیلات کے مطابق حکومت پنجاب کی سب کمیٹی برائے امن وامان کے سول سیکریٹریٹ میں ہونے والے ایک اہم اجلاس میں امن و امان کی صورتِ حال، آپریشن رد الفساد اور دہشت گرد تنظیموں کے خلاف کارروائی پر پیش کی گئی رپورٹس پر غور و خوض کیا گیا اور چند اہم فیصلے کیے گئے۔ اجلاس میں پنجاب کی وی وی آئی پی شخصیات کو 33 درجاتی سیکیورٹی فراہم کرنے کا فیصلہ کیا گیا اور ایسی کالعدم جماعتیں جو نام تبدیل کر کے کام کر رہی ہیں ان کی فہرست مرتب کرنے کا فیصلہ کیا گیا۔