شمالی وزیرستان میں امریکی ڈرون حملہ، القاعدہ کا اہم کمانڈر ہلاک

شیعہ نیوز ( پاکستانی شیعہ خبر رساں ادارہ ) شمالی وزیرستان میں امریکی ڈرون حملے کے نتیجے میں القاعدہ کا اہم کمانڈر ہلاک ہوگیا۔ نجی ٹی وی دنیا نیوز کے مطابق شمالی وزیرستان میں ڈرون حملے کے نتیجے میں ہلاک ہونیوالے القاعدہ کے کمانڈر کی شناخت عبدالرحیم کے نام سے ہوئی ہے جبکہ سرکاری ذرائع کا کہنا ہے کہ ڈرون حملہ 26 اپریل کو شنکئی نرئے میں ہوا تھا، جس کی زد میں آکر القاعدہ کا کمانڈر عبدالرحیم ٹی ٹی پی کے 7 دہشتگردوں سمیت ہلاک ہوگیا تھا۔ ہلاک ہونے والے القاعدہ کمانڈر کی عمر 35 سال تھی اور اس کا تعلق عراق کے شہر موصل سے تھا۔ واضح رہے کہ کمانڈر عبدالرحیم القاعدہ پاکستان اور افغانستان کا اہم ترین کمانڈر تھا۔