پاک ایران سرحد پہ باڑکی تنصیب اور خصوصی گیٹ کی تعمیر مکمل

شیعہ نیوز (پاکستانی شیعہ خبر رساں ادارہ) پاکستان نے پاک ایران سرحد پر خصوصی گیٹ اور 126 کلو میٹر سرحد پر خار دار باڑ لگادی ہے۔

قومی اسمبلی میں وقفہ سوالات کے دوران وزارت داخلہ نے ایران اور افغانستان سے ملنے والی سرحدوں سے متعلق ایوان کو تحریری طور پر آگاہ کیا ہے کہ ایران اور افغانستان کے ساتھ معمول کے مطابق فلیگ میٹنگز اور مشترکہ سرحدی کمیشن اجلاس ہو رہے ہیں۔ پاکستان کی جانب سے پاک ایران سرحد پر گیٹ تعمیر کردیا گیا ہے، گیٹ کے دونوں اطراف 126 کلومیٹر لمبی خاردار تار بھی لگائی گئی۔ ایوان کو بتایا گیا ہے کہ پاک افغان سرحد بند کرنے کی کوئی تجویز زیر غور نہیں تاہم سرحد پہ مزید چیک پوسٹوں کا قیام اور اسکینرز فراہم کیے جا رہے ہیں۔ سرحد کے آر پار سفر کی اجازت صرف ویزہ رکھنے والوں کو ہے، مقامی دستاویزات پر سفری اجازت ختم کردی گئی ہے۔ چمن کے قریب پاک افغان سرحد پر گیٹ اور باڑ کی تنصیب کے لیے ٹریفک کی ڈیجیٹل نگرانی کی جا رہی ہے۔ فرنٹئیرکور کے لیے 50 نئی پوسٹیں تعمیر کی گئی ہیں۔