چہلم کے موقع پر بہترین انتظامات کئے جائینگے :نوید الحق

شیعہ نیوز(پاکستانی خبر رساں ادارہ)میئر ملتان نوید الحق ارائیں نے کہا ہے کہ چہلم کے موقع پر جلوس روٹس پر بہترین انتظامات کئے جائیں گے ۔ سٹریٹ لائٹس ،صفائی ستھرائی سمیت دیگر مسائل کے حل کے لئے اقدامات یقینی بنائینگے ۔ ان خیالات کا اظہار انہوں نے اپنے دفتر میں ممبر صوبا ئی اتحاد بین المسلمین کمیٹی شفقت حسنین بھٹہ کی قیادت میں وفد سے ملاقات میں کیا ۔اس ضمن میں میئر نے متعلقہ حکام کو مسائل حل کرنے کیلئے احکاما ت بھی جاری کئے ۔ اس موقع پر واصف بٹ ، طالب حسین پر واز ، خلفیہ الطاف حسین، صدرالد ین گیلانی ، آغا حسین شاہ،اقبال حسین جعفری،احمد رضا گردیزی، اظہر حسین ،سکندر حسین ، عبدالستار ،خا لد گیلانی سمیت دیگر موجود تھے ۔علاوہ ازیں میئر نے یوسی 17میں واٹر فلٹریشن پلانٹ کی افتتاحی تقریب سے خطاب کرتے ہوئے کہاکہ شہر میں بند واٹر فلٹریشن پلانٹ جلد چالو کرائیں گے ۔تقریب میں چیئر مین امجد انصاری،اکرم انصاری،اعظم انصاری، اسلم ڈوگر،مشتاق انصاری ،عمران یوسف،امانت جٹ،احمد رضا،سردار علی انصاری، حمیدہ بی بی و دیگر شریک تھے ۔مسائل کے حل کیلئے اقدامات کرینگے ،اتحاد بین المسلمین کمیٹی کے وفد سے گفتگو شہر میں بند واٹر فلٹریشن پلانٹ جلد چالو کرائینگے ،یوسی 17میں تقریب سے خطاب