مجالس و جلوسوں کے اوقات میں دکانیں بند رکھی جائیں:سی پی او

شیعہ نیوز(پاکستانی خبر رساں ادارہ)سٹی پولیس آفیسر ملتان سرفراز احمد فلکی نے تھانہ کپ کے علاقے میں چہلم حضرت امام حسینؑ کے حوالے سے جلوس روٹ کا دورہ کیا۔
سی پی او نے مجالس و جلوس کے لائسنسداران مزین چاون، اخلاق صدیقی، اصغر عباس نقوی سے بھی ملاقات کی۔اس موقع پرتاجروں کو کہا گیا کہ مجالس و جلوسوں کے اوقات میں اپنی دکانیں بند رکھیں ۔ دریں اثنا سٹی پولیس آفیسر سے پارلیمانی ممبران شہزاد مقبول بھٹہ ، مہدی عباس لنگاہ، شوکت بوسن اور سول سوسائٹی فورم و شعور ترقیاتی تنظیم کے کوآرڈی نیٹر شاہد محمود انصاری نے ملاقات کی۔