قائد اور اقبال کے پاکستان کیلئے جدوجہد جاری رکھیں گے، علامہ ناصر عباس جعفری

شیعہ نیوز (پاکستانی شیعہ خبر رساں ادارہ) مجلس وحدت مسلمین پاکستان کے سربراہ علامہ راجہ ناصر عباس جعفری کے حکم پر یوم ولادت بانیء پاکستان قائداعظم محمد علی جناح کے موقع پر ملک کے چاروں صوبوں سمیت آزاد کشمیر اور گلگت بلتستان کے تمام اضلاع میں "ہمیں قائد اعظم کا پاکستان چاہیئے” کے عنوان سے ریلیاں اور سیمینار منعقد کرائے جائیں گے، لاہور صوبائی سیکرٹریٹ ایم ڈبلیو ایم پر پیغمبر خدا حضرت عیسٰی علیہ السلام اور بانی پاکستان قائد اعظم محمد علی جناح کے یوم ولادت کے سلسلے میں پروقار تقریب کا اہتمام کیا جائے گا، جس میں مختلف مکاتب و مذاہب کے اکابرین کو مدعو کیا گیا ہے۔ اپنے پیغام میں ایم ڈبلیو ایم کے مرکزی سیکرٹری جنرل نے کہا ہے کہ ہم انتہاپسندی اور فرقہ واریت کیخلاف اپنی جدوجہد کو جاری رکھیں گے، ملک سے دہشتگردی کے خاتمے کے لئے تکفیریت کو ختم کرنا ہوگا۔ علامہ ناصر عباس کا کہنا تھا کہ مسلمانوں کی تکفیر کرنے والے لوگ ہی دراصل معاشرے میں تقسیم اور قتل و غارت گری کے ذمہ دار ہیں، ہم تکفیریوں کو شلٹر دینے کے کسی بھی عمل کو ملک و قوم اور شہداء کے پاکیزہ لہو سے خیانت تصور کرتے ہیں، قائد اور اقبال کے پاکستان کے لئے جدوجہد جاری رکھیں گے۔