نظام ولایت و امامت دنیا و آخرت میں کامیابی کی ضمانت فراہم کرتا ہے: فضل حسین اصغری

شیعہ نیوز(پاکستانی شیعہ خبررساں ادارہ) حیدرآباد()اصغریہ آرگنائزیشن پاکستان کے مرکزی صدر برادر فضل حسین اصغری نے کراچی میں منعقد ولایت فقیہ سیمینار سے خطاب کرتے ہوئے کہا کہ ولایت و امامت ہی ایسا نظام ہے جو دنیا و آخرت میں کامیابی کی ضمانت فراہم کرتا ہے کیونکہ امامت و لایت ہی معاشرے کی تمام جزئیات کو ایک ساتھ لے کر چل سکتی ہے۔باقی تمام نظام اس اہل نہیں ہیں جو انسان کی دنیا اور آخرت کی کامیابی کی کلید ثابت ہو سکیں۔یہ نظام انسان کی ہدایت اور رہنمائی کے لیے کامل سسٹم کانام ہے۔ انفرادی ہو یا اجتماعی ہر لحاظ سے انسان کی ہدایت کی مکمل صلاحیت نظام ولایت میں ہے۔ان کا کہنا تھا کہ حکومت مکتب اہل بیت علیھم السلام میں منزل کا نام نہیں بلکہ عدل و انصاف کے نفاذ کا وسیلہ ہے ۔ حکومت کا مقصد حق کا دفاع اور باطل کو زمین بوس کرنا ہے۔