امام کعبہ کے بعد سعودی ملازم نام نہاد اسلامی فوج کے سربراہ راحیل شریف لاہور پہنچ گئے

شیعہ نیوز(پاکستان شیعہ خبر رساں ادارہ )سابق چیف آف آرمی سٹاف اور نام نہاد اسلامی فوجی اتحاد کے سربراہ جنرل (ر) راحیل شریف پاکستان پہنچ گئے۔ انتہائی باوثوق ذرائع کے مطابق سابق فوجی سربراہ جنرل (ر) راحیل شریف 3 ہفتوں کیلئے سعودی عرب سے پاکستان پہنچے ہیں۔ راحیل شریف کا خصوصی طیارہ لاہور ایئرپورٹ اولڈ ٹرمینل پر لینڈ کیا جہاں سے وہ سپیشل سکیورٹی کی نگرانی میں اپنی رہائش گاہ برکی روڈ روانہ ہوگئے۔ ذرائع کا کہنا ہے کہ حالیہ ملکی سیاسی صورتحال کے پیش نظر جنرل (ر) راحیل شریف کا یہ دورہ انتہائی اہمیت کا حامل ہے۔ سابق فوجی سربراہ 3 ہفتے پاکستان میں قیام کریں گے جس دوران پاکستان میں عسکری و سیاسی قیادت سے ملاقات بھی ہوگی۔