محرم کی ترقیاتی سکیموں، کام شروع کرنے سے قبل تصاویر بنانے کی ہدایات

شیعہ نیوز(پاکستانی شیعہ خبر رساں ادارہ) چیف آفیسر میونسپل کارپوریشن ملتان نے محرم الحرام کی ترقیاتی سکیموں میں فنڈز کے ضیاع کو روکنے کیلئے ترقیاتی کام شروع کرنے سے قبل تصاویر بنانے کی ہدایات جاری کردی ہیں ، ترقیاتی کام شروع کرنے سےقبل تصاویر نہ بنانے والے ٹھیکیداروں کو ادائیگی روکنے کے احکامات جاری کردیئے ہیں ، بتایا گیا ہے کہ محرم کے موقع پر ہر سال کروڑوں روپے کے ترقیاتی فنڈز لگائے جاتے ہیں ، ٹھیکہ دار پائیدار کام کرنے کے بجائے ڈنگ ڈپاو کی پالیسی اختیار کرتے ہیں جس سے ہر سال فنڈز ضیاع ہو جاتے ہیں ، چیف آفیسر میونسپل کارپوریشن ملتان نے ٹھیکہ داروں کی کرپشن روکنے کیلئے ترقیاتی سکیم شروع کرنے سے قبل تصاویر بنانے کی ہدایت جاری کردی ہیں ۔