لاہور، اصغریہ اسٹوڈنٹس اور علم و عمل کے مرکزی صدورکا ادارہ التنزیل کا دورہ
شیعہ نیوز (پاکستانی شیعہ خبر رساں ادارہ) اصغریہ اسٹوڈنٹس آرگنائزیشن پاکستان کے مرکزی صدر جناب قمر عباس غدیری و اصغریہ علم و عمل تحریک پاکستان کے مرکزی صدر جناب محمد عالم ساجدی نے ادارہ التنزیل کے مرکزی دفتر لاہور کا دورہ کیا اور ادارے کے چیرمین کو 48 ویں مرکزی کنونشن’’ فہم قرآن کنونشن‘‘ میں شرکت کی دعوت دی۔
اصغریہ اسٹوڈنٹس آرگنائزیشن پاکستان کے مرکزی صدر جناب قمر عباس غدیری و اصغریہ علم و عمل تحریک پاکستان کے مرکزی صدر جناب محمد عالم ساجدی نے ادارہ التنزیل کے مرکزی دفتر لاہور کا دورہ کیا۔ ادارہ کے چئیرمین ڈاکٹر مولانا سید علی عباس نقوی سےملاقات کی جس میں دونوں اداروں نے فہم قرآن کی ترویج کے سلسلے میں باہمی رضامندی کا اظہار کیا ۔ اس موقع پر اصغریہ کے وفد نےادارہ التنزیل کے چیرمین کو 48 ویں مرکزی کنونشن’’ فہم قرآن کنونشن‘‘ میں شرکت کی دعوت دی جسے ادارے کے چیرمین نے قبول کرتے ہوئے ادارے کی جانب سے شرکت کی یقین دہانی کروائی۔
