نیوزی لینڈ کی ریاست کو چاہیے کہ وہ مساجد اور مسلمانوں کی حفاظت کو یقینی بنائے، علامہ ساجد نقوی

شیعہ نیوز (پاکستانی شیعہ خبر رساں ادارہ)  شیعہ علماء کونسل پاکستان کے سربراہ علامہ سید ساجد علی نقوی نے جامعۃ الجعفریہ جھنگ کے سالانہ اجتماع میں شرکت کیلئے جھنگ کا دورہ کیا۔ انکی جھنگ آمد پر کارکنوں نے انکا استقبال کیا اور پھولوں کی پتیاں نچھاور کیں۔

 علامہ ساجد نقوی نے جامعۃ الجعفریہ کے سالانہ اجتماع کے سلسلے میں منعقد ہونیوالی تقریب کے شرکاء سے خظاب کیا۔ انہوں نے کہا کہ نیوزی لینڈ کی ریاست کو چاہیے کہ وہ مساجد اور بسنے والے مسلمانوں کی حفاظت کو بھی یقینی بنائے، کرائسٹ چرچ کی مساجد میں ہونے والی دہشتگردی انتہائی افسوس ناک ہے، حملے کی جتنی مذمت کی جائے کم ہے۔  انہوں نے مقامی رہنماؤں، کارکنوں اور علمائے کرام سے ملاقاتیں کی اور اہم امور پر تبادلہ خیال کیا۔