سربراہ ایم ڈبلیو ایم علامہ راجہ ناصر نے کابینہ کے 6 اراکین کے ناموں کا اعلان کردیا

شیعہ نیوز (پاکستانی شیعہ خبر رساں ادارہ)  سربراہ مجلس وحدت مسلمین پاکستان علامہ راجہ ناصر عباس جعفری نے پہلے مرحلے میں ایم ڈبلیو ایم کی مرکزی کابینہ کے 6 نئے اراکین کے ناموں کا اعلان کر دیا ہے۔

تفصیلات کے مطابق ایم ڈبلیو ایم کے مرکزی سیکریٹریٹ سے جاری نوٹیفکیشن کے مطابق علامہ راجہ ناصر عباس جعفری نے علامہ سید احمد اقبال رضوی اور سید ناصر شیرازی ایڈووکیٹ کو مرکزی ڈپٹی سیکرٹری جنرل، علامہ ڈاکٹر شفقت حسین شیرازی کو مرکزی سیکرٹری امور خارجہ، علامہ باقر عباس زیدی کو مرکزی سیکرٹری فلاح و بہبود (چیئرمین خیرالعمل ویلفیئر اینڈ ڈیویلپمنٹ ٹرسٹ) سید اسد عباس نقوی کو مرکزی سیکرٹری امور سیاسیات اور علامہ ڈاکٹر محمد یونس حیدری کو مرکزی سیکرٹری امور تربیت کی ذمہ داریاں تفویض کی ہیں۔ اگلے مرحلے میں  باقی اراکین مرکزی کابینہ کے ناموں کا اعلان جلد متوقع ہے۔