کراچی، لاپتہ شیعہ عزادروں کے اہل خانہ کا دھرناچوتھےروزبھی جاری
شیعہ نیوز (پاکستانی شیعہ خبر رساں ادارہ) لاپتہ شیعہ عزاداروں کے اہل خانہ کا اپنے پیاروں کی گمشدگی کے خلاف احتجاجی دھرناچوتھے روز بھی جاری ہے۔
تفصیلات کے مطابق شیعہ لاپتہ عزاداروں کے اہل خانہ کا شیعہ مسنگ پرسنز کمیٹی کے رہنما راشد رضوی اور سہیل مرزا کی قیادت میں صدر پاکستان کی رہائش گاہ محمد علی سوسائٹی کے باہراحتجاجی دھرنا تاحال جاری ہے۔
دھرنے کے چوتھےدن شرکاء دھرنا نے علامہ احمد اقبال رضوی کی اقتدا میں نماز فجر ادا کی جبکہ مختلف نوحہ خوانوں و شخصیات نے شرکت کی اور نوحہ خوانی و خطاب کیے۔ شیعہ مسنگ پرسنز ریلیز کمیٹی کے سربراہ راشد رضوی نے خطاب کرتے ہوئے کہا کہ جب تک صدر پاکستان یہاں آکر ہم سے ملاقات نہیں کرتے اور ہمارے لاپتہ افراد واپس نہیں آتے اس وقت تک یہ دھرنا جاری رہے گا اور اگر ہمارے مطالبات ماننے میں تاخیر کی گئی تو دھرنوں کا سلسلہ ملک بھر میں پھیل جائے گا۔
واضح رہے کہ مختلف شیعہ تنظیموں کی جانب سے دھرنے کی حمایت کا اعلان کیا گیا ہےاور مومنین سے دھرنے مین شرکت کی اپیل بھی کی ہے۔ مجلس وحدت مسلمین کے سربراہ نے لاپتہ شیعہ عزادروںکے اہل خانہ سے اظہار یکجہتی کرتے ہوئے ملک بھر میں جمعہ کے روز احتجاجی مظاہروں کا اعلان کیا ہے۔
